ޝަރުއީ ދާއިރާގެ ބާރުކަޑުވާލުމަށް ނަޝީދު ކުރެއްވި މަސައްކަތް ބެލުމަށް ޤަރާރެއް ހުށަހަޅައިފި

25 ޖޫން، 2012

އަބްދުއްލަތީފް

ޝަރުއީ ދާއިރާގެ ބާރުކަޑުވާލުމަށް ކުރީގެ ރައީސް މުޙައްމަދު ނަޝީދު ކުރެއްވި މަސައްކަތް ރައްޔިތުންގެ މަޖިލީހުން ބެލުމަށް ގޮވާލާ ޤަރާރެއް، ވިލުފުށި ދާއިރާގެ މެންބަރު ރިޔާޟް ރަޝީދު މަޖިލީހަށް ހުށަހަޅުއްވައިފިއެވެ.

ރިޔާޟް ރަޝީދު ހުށަހެޅުއްވި ޤަރާރަކީ ކުރީގެ ރައީސް މުޙައްމަދު ނަޝީދުގެ ވެރިކަމުގައި ރާއްޖޭގެ ޝަރުއީ ހުރިހައި ކޯޓްތައް އުވާލައި ފަނޑިޔާރުން ރާއްޖޭގެ އެއްވެސް ކޯޓެއްގައި އެއްވެސް މައްސަލައެއް ނުބެއްލެވުމަށް އަންގައި ފަނޑިޔާރުންކުރާ ހުކުމްތައް ދައުލަތުގެ އެެއްވެސް މުވައްސަސާޔަކުން ތަންފީޒް ނުކޮށް އެފަރާތްތަކަށް ލިބިދޭ މުސާރައާއި އިނާޔަތްތައް ނުދިނުމަށް ނަޝީދު ކުރެއްވި މަސައްކަތްތައް ބަލައި ތަހްގީކޮށް ނަޝީދަށާއި، އަދި މިކަމުގައި ބައިވެރިވީ ފަރާތްތަކުގެ މައްޗަށް ހަރުކަށި ފިޔަވަޅުއެޅުމަށް ގޮވާލައްވައި ހުށަހަޅުއްވާފައިވާ ޤަރާރެކެވެ.

ރިޔާޒް ވިދާޅުވީ ޝަރުއީ ނިޒާމުގެ މައްޗަށް އެއްވެސް ފަރާތަކަށް އެއްވެސް ނުފޫޒެއް ނުފޯރުވޭނެ ކަމަށް ޤާނޫނު އަސާސީގައި ބަޔާންވެގެންވާއިރު ޖޫޑިޝަރީ އޮވާލައި 4 މެންބަރުންގެ މައްްޗަށް އެކުލެވޭ ޖޫޑިޝަރީ ރިފޯރމް ކޮމިޝަނެއް އުފަްއދަވަން ނަޝިދު ނިންމަވާފައިވުމީ ރާއްޖޭގެ ކޮންމެ ރައްޔިތަކުވެސް އެކަމާމެދު ބިރުގަންނަން ޖެހޭވަރުގެ ނުރައްކާތެރި މައްސަލައެއް ކަމަށެވެ. އަދި މިކަމަކީ އުއްތަމަ ފަނޑިޔާރު ނުވަތަ ސްޕްރީމް ކޯޓުން ވެސް އިސްނަގައިގެން ފިޔަވަޅު އަލަންޖެހޭނެ ކަމެއް ކަމަށެވެ.

ރިޔާޟް ހުށަހެޅުއްވި ޤަރާރުގައި ވަނީ ރާއްޖޭގެ ޝަރުއީ ދާއިރާގެ ބާރުކަޑުވާލުމަށް ކުރީގެ ރައީސް ނަޝީދުގެ ވެރިކަމުގައި ހިންގަވާފައިވާ ތަފާތުގިނަ މައްސަލަތަކާއި، ކޮށްފައިވާ މަސައްކަތްތައް މަޖިލީހުން ބައްލަވައި ތަހްގީގުގެ އަލީގަައި ފިޔަވަޅު އެޅުމަށް ގޮވާލައްވާފައެވެ.

މިޤަރާރުގައި ރޔާޟް ވަނީ ޝަރުއީ ދާއިރާގެ ބާރުކަޑުވާލުމަށް ކުރީގެ ރައީސް ނަޝީދު ހިންގަވާފައިވާ ގިނަ ކަންތައްތަކެއް ފާހަގަކުރައްވާފައެވެ. އެގޮތުން ޝަރުއީ ކޯޓްތައް އުވާލުމުގެ “ހީލަތްތެރި ނުބައި” ރޭވުންތެރި ކަމުގެ ދަށުން ޖުޑީޝަލް ރިފޯމް ކޮމިޝަނެއް އުފެއްދުވުމާއިބެހޭ ގަރާރެއް މިއަހަރުގެ ޖެނުއަރީމަހުގެ 24 ވަނަ ދުވަހު ހއ. އުތީމުގައި ހުންނަވައިގެން އެކުލަވާލައްވައި ތަންފީޒް ކުރެއްވުމަށް ރޭއްވެވި ކަމުގެ އިތުރުން  ނަޝީދު އަމިއްލަފުޅަށް ޝަރުއީ ނިޒާމަށް ބޮޑެތި ބަދަލުތަކެއް ގެންނަވަން އުފެއްދެވި ޖުޑީޝަލް ރިފޯމް ކޮމިޝަން އުފައްދަވައި އެތަނަށް މެންބަރުން އައްޔަންކުރައްވައި ހިންގެވި އަމަލުތަކަކީ ރާއްޖޭގެ ޝަރުއީ ނިޒާމްގެ ބާރުކަނޑުވާލައި، އެ ނިޒާމް ފުނޑުފުނޑު ކޮށްލުމަށް ހިންގެވި އަމަލުތަކެއްކަމަށް ވަނީ ފާހަގަކުރައްވާފައެވެ.

މިފަދަ ޤަރާރެއް ރިޔާޟް ރަޝީދު މަޖިލީހަށް ހުށަހަޅުއްވާފައިވާއިރު ކުރީގެ ރައީސް މުޙައްމަދު ނަޝީދުގެ ވެރިކަމުގައި އެމަނިކުފާނު ޤާނޫނާއި ޤަވާއިދާއި ޚިލާފަށް ކުރައްޥާފައިވާ އެންމެހައި ކަންކަން މަޖިލީހުން ބެލުމަށް ކާށިދޫ ދާއިރާގެ މެންބަރު ޢަބްދުﷲ ޖާބިރު މަޖިލީހަށް ހުށަހެޅުއްވި ޤަރާރުގެ ބަހުސް މިހާރުވެސް ވަނީ ފެށިއެވެ.

މިއަދުނޫހަށް މައުލުމާތުލިބިފައިވާގޮތުގައި ރިޔާޟް ރަޝީދުގެ ޤަރާރުގައި، ޖަނަވަރީ މަހުގެ 30 ވަނަ ދުަވަހު ޖޫޑިޝަރީ އުވާލުމަށް ކުރީގެ ރައީސް މުޙައްމަދު ނަޝީދު ވަނީ ޤަރާރެއް ހައްދަވައި އެ ޤަރަރުގައި ސޮއި ވެސް ކުރައްވާފައެވެ. އަދި ދަށު ކޯޓުތައް އުވާލައި ޖޫޑިޝަރީއަށް އިންޤިލާބެއް ގެނައުމަށް، އުތީމުގައި ބޭއްވެވި ޤައުމީ ދުވަހުގެ ޖަލްސާގައި އިއުލާނުކުރައްވަންވެސް ނިންމެވުންތަކެއް ވަނީ ނިންމަވާފައެވެ. މިކަންކަމާބެހޭ ޚަބަރުތައް ރައީސުލްޖުމްހޫރިއްޔާގެ އޮފީހުން ޢާންމުކުރުމަށް ޚަބަރުތައްވެސް ވަނީ ޑްރާފްޓްކޮށްފައެވެ.

ަ

ކިޔުން ތެރިންގެ ހިޔާލު

 އަކުރު އެބައިން