ފޮނަދޫ ދާއިރާގެ އެމްޑީޕީ މެންބަރުންނަށް ވަޒީފާ ނުލިބުމުގެ މައްސަލަ ވަރަށް ބޮޑު- އޯކޭ ޒާހިރު

25 ޖޫން، 2012

ޝަހީދާ ސައީދު

ހައްދުންމަތީ ފޮނަދޫ ދާއިރާގައި ހިމެނޭ، ފޮނަދޫ،  ގާދޫ،  އަދި މާމެންދޫގައި ތިބި އެމްޑީޕީ މެންބަރުންނަށް ވަޒީފާ ނުލިބުމުގެ މައްސަލަ ވަރަށް ބޮޑު ވެއްޖެ ކަމަށާއި، އެކަން ހައްލުކުރަން މަސައްކަތް ކުރަމުން ގެންދަވާ ކަމަށް އެމްޑީޕީ ފޮނަދޫ ދާއިރާގެ ރައީސް މުޙައްމަދު ޒާހިރު (އޯކޭ ޒާހިރު) ވިދާޅުވެއްޖެ އެވެ.

ފޮނަދޫ ދާއިރާގެ ރައީސް މުޙައްމަދު ޒާހިރު، އެމްޑީޕީ ވެބްސައިޓަށް މައުލޫމާތު ދެއްވަމުން  ވިދާޅުވީ ފޮނަދޫ ދާއިރާގައި ތިބި އެމްޑީޕީ މެންބަރުންނަށް ވަޒީފާ ހޯދުމުގައި ބޮޑެތި ގޮންޖެހުންތައް ކުރިމަތި ވަމުންދާތީ އެމައްސަލަ ހައްލުކުރުމަށް ކުރެވެން ހުރި ހުރިހާ މަސައްކަތެއް މިހާރު ކުރަމުންދާ ކަމަށެވެ.

އެމްޑީޕީ ފޮނަދޫ ދާއިރާގެ ރައީސް ކަމަށް  ވާދަކުރެއްވުމުގެ ކުރިން ވެސް އެ ސަރަހައްދުގައި އެމްޑީޕީ ޕްރޮމޯޓްކުރުމުގެ މަސައްކަތް އޭނާ ގެންދިޔައީ ކުރައްވަމުން ކަމަށެވެ. އަދި  އެ ދާއިރާގެ އެމްޑީޕީ ރައީސް ކަމަށް އިންތިޚާބުވުމާ ގުޅިގެން އެ މަސައްކަތް އިތުރަށް ފުޅާކޮށް ކުރިޔަށް ގެންދިއުމުގެ މަސައްކަތް ފައްޓަވާފައިވާ ކަމަށް ވެސް އޭނާ ވިދާޅުވިއެވެ.

އެގޮތުން  އެންމެ އިސްކަމެއްދެއްވައިގެން ކުރިޔަށް ގެންދަވަނީ އެމްޑީޕީ އަށް މެންބަރުން އިތުރުކުރުމުގެ މަސައްކަތް ކަމަށާއި،   ދާއިރާގައި އެމްޑީޕީ ޕްރޮމޯޓްކުރުމަށް ފަށާފައި ހުރި މަސައްކަތްތަކުގެ ތެރޭގައި ހިމަނައިގެން މި ދާއިރާގެ އެމްޑީޕީ މެންބަރުންގެ އަދަދު އިތުރުކުރުމާއި، ގޮފިތަކުގެ ހިންގުން ހަރުދަނާ ކުރުމާއި، މެންބަރުންނަށް ތަމްރީނު ދިނުމާއި ސިޔާސީ އަދި އިޖުތިމާއީ ގޮތުން އިތުރަށް ހޭލުންތެރި ކުރުމުގެ ޕްރޮގްރާމު ހިންގުމަށް ގަސްދުކުރައްވާފައިވާ ކަމަށްވެސް ޒާހިރު ވިދާޅުވިއެވެ.

ކިޔުން ތެރިންގެ ހިޔާލު

 އަކުރު އެބައިން