އައްޑޫސިޓީން މަސްތުވާތަކެތިކަމަށް ޝައްކުކުރެވޭ އެއްޗެއްހުރި ގިނަ ޢަދަދެއްގެ ޕެކެޓްތަކެއް ހޯދައިފި

08 ޖޫން، 2012

މަސްތުވާތަކެތިކަމަށް ޝައްކުރެވޭ އެއްޗެއްހުރި ގިނަ ޢަދަދެއްގެ ޕެކެޓްތަކެއް އައްޑޫގައި މަސައްކަތްކުރާ ފުލުހުން ހޯދައިފިއެވެ.

މިތަކެތި ފުލުހުން ހޯދާފައިވަނީ ފުލުހުންނަށް ލިބުނު މަޢުލޫމާތަކާއި ގުޅިގެން ރޭ -23:5 ހާއިރު ހިންގި އޮޕަރޭޝަނެއްގައި ސ.ހިތަދޫ، ވާދޫ ގޭގެ ކޮޓަރިއެއްގެ ތެރެއިންނެވެ.

މި އޮޕަރޭޝަންގައި ފުލުހުން ހޯދާފައިވާ ތަކެތީގެ ތެރޭގައި މަސްތުވާތަކެތިކަމަށް ޝައްކުކުރެވޭ އެއްޗެއްހުރި ފިލްމު ހުސްކުރި ދަޅަކާއި، މަސްތުވާތަކެތިކަމަށް ޝައްކުކުރެވޭ އެއްޗެއްހުރި 56 ސެލޯފިންކޮޅު ހިމެނެއެވެ.
މިތަކެތި ފެނިފައިވަނީ އެ ކޮޓަރި ތެރޭގައި ހުރި އެނދެއްގެ ދަށުގައި އޮތް ބޫޓެއްގެ ތެރެއިންނެވެ.

މިމައްސަލައާއި ގުޅިގެން އަދި އެއްވެސް މީހަކު ފުލުހުންގެ ބެލުމުގެ ދަށަށް ގެނެސްފައިނުވިނަމަވެސް ތުހުމަތުކުރެވޭ މީހަކު ހޯދުމުގެ މަސައްކަތް އައްޑޫގައި މަސައްކަތްކުރާ ފުލުހުން ދަނީ ކުރަމުންނެވެ.

މިމައްސަލަ ފުލުހުން ދަނީ ތަހުޤީޤް ކުރަމުންނެވެ.

ކިޔުން ތެރިންގެ ހިޔާލު

 އަކުރު އެބައިން