ތިން އަހަރުގެ މެދުކެނޑުމަކަށް ފަހު ސައީދު އަލުން ފިލްމީ ދާއިރާއަށް ނުކުންނަކީ

01 ޖޫން، 2012

ޝަހީދާ ސައީދު

ފިލްމީ ދާއިރާއިން އާންމުންގެ ސަމާލުކަން ހޯދާފައިވާ މުހައްމަދު ސައީދު ތިން އަހަރު ދުވަހުގެ މެދުކެނޑުމަކަށް ފަހު އަލުން ފިލްމީ ދާއިރާއަށް ނުކުތުމަށް ނިންމައިފިއެވެ.

” ހިތްރުހޭ” ގެ ލަވައިން މަޝްހޫރިކަން ހޯދި މުހައްމަދު ސައީދު މިއަދު ނޫހަށް މައުލޫމާތު ދެއްވަމުން ވިދާޅުވީ ތިން އަހަރު ދުވަހުގެ މެދުކެނޑުމަކަށް ފަހު އަލުން ފިލްމީ ދާއިރާއަށް ވަނުމަށް ވިސްނެވީ ސަޕޯޓަރުން އެކަމަށް އެދޭތީ ކަމަށެވެ.

އަދި ތިން އަހަރު ދުވަހުގެ މެދުކެނޑުމެއް އައީ އާއިލާއާއި އެކު ރާއްޖެއިން ބޭރުގައި ދިރުޅެން ޖެހުމުން ކަމަށާއި، ރާއްޖެއިން ބޭރުގައި ހުރި އިރުވެސް ފިލްމީ ދާއިރާއިން އަލުން ފެނިލުމަށް ސަޕޯޓަރުންނަށް ވަރަށް ބޮޑަށް އެދެމުންދިޔަ ކަމަށް ވެސް ސައީދު ވިދާޅުވިއެވެ.

ސައީދު ވިދާޅުވީ އަލުން ފިލްމީ ދާއިރާއަށް ނުކުންނަ އިރު މީގެ ކުރިން ތިން ފިލްމެއް ކުޅެފައިވާނެ ކަމަށެވެ. އެގޮތުން ކައިވެނީގެ ފުރަތަމަ ރޭ، ފަރުދާ، އަދި ޖުހާގެ ބުއްދި އަކީ އޭނާ މިހާތަނަށް ކުޅުނު ތިން ފިލްމުކަމަށެވެެ. އަދި އަމްޖަދުގެ ކުރު ފިލްމެއް މިމަހު ފެންނާނެ ކަމަށް ސައީދު ވިދާޅުވިއެވެ.

އަދި މިހާރު ރިލީޒްވެފައިވާ އާސިމް ތައުފީގުގެ ”ހިތުގެ ކެކުޅުން” އަދި ” ހުރެދޭނަމޭ” މި ދެ ސީޑީވެސް ވަރަށް އަވަހަށް ނުކުންނާނެ ކަމަށާއި، މިސީޑީގެ ދެ ލަވައަކުންވެސް އޭނާ ފެންނާނެ ކަމަށް ވިދާޅުވިއެވެ.

އަދި މިމަހު 2 ލަވައަކލުންވެސް އޭނާ ފެންނާނެ ކަމަށާއި، އެގޮތުން ޝިފާ ތައުފީގާއި އުމަރު ޒާހިރުގެ ލަވައެއްގެ އިތުރުން، އާސިމް ތައުފީގުގެ ލަވައެއް ހިމެނޭ ކަމަށް ވެސް ވަނީ ވިދާޅުވެފައެވެ. މީގެއިތުރުން އަންނަ ރޯދަމަހު ބާއްވާ ކުރު ފިލްމުތަކުން ފެނުމުގެ ފުރުސަތު ވެސް އެބައޮތް ކަމަށާއި، މިހާރުވެސް ޔޫއްޕެއާއި، މާއެނބޫގެ ކުރު ފިލްމަކުން ފުރުސަތު ލިބިފައިވާކަމަށް ސައީދު ވިދާޅުވިއެވެ.

ސައީދު ވިދާޅުވީ އޭނާގެ ވަޒީފާއަށް އިސްކަން ދިނުމަށްފަހު ދެން އެންމެ އިސްކަންދީގެން މަސައްކަތް ކުރާނީ ފިލްމީ ދާއިރާގައި ކަމަށާއި، އެގޮތުން ސަޕޯޓަރުން ބޭނުންވާ ގޮތަށް އެދާއިރާއިން ކުރިއަށް އޮތް ދުވަސްތަކުގައި ފެންނާނެ ކަމަށެވެ.

އަދި މިދާއިރާއިން ލިބުނު ކުރިއެރުމަކީ ސަޕޯޓަރުންގެ ފަރާތުން ލިބުނު އެއްބާރުލުން ކަން ފާހަގަކުރައްވާ، އޭނާގެ ސަޕޯޓަރުންނަށާއި، ފިލްމީ ދާއިރާއިން ކުރިއަށް ދިއުމަށް އެހީތެރި ވެދެއްވި މަޝްހޫރު ލަވަ ކިޔުން ތެރެއިން އާސިމް ތައުފީގާއި، ޝިފާ ތައުފީގާއި، ސޮފާ ތައުފީގުގެ އިތުރުން މުޚުތާރުއާއި، އަލީ ރަމީޒާއި، އަދި އޭނާގެ އާއިލާގެ މެންބަރުންގެ އިތރުންވެސް ސްޕޮންސަރ ކޮށްދެއްވުމުގައި މަޝްހޫރު ވިޔަފާރި ވެރިޔާ ގާސިމް އިބްރާހީމްއަށް  ސައީދު ވަނީ ޝުކުރު ދަންނަވާފައެވެ.

ކިޔުން ތެރިންގެ ހިޔާލު

  1. މަ ނުދަންނަން>>>>>>>>>>>>>>>(

    ވަލީ | ސެޕްޓެމްބަރ 25، 2012

 އަކުރު އެބައިން