ޙައްޖަށް ދިއުން

23 މާޗް، 2012

ޙައްޖުވުމަކީ އިސްލާމް ދީނުގެ ރުކުންތަކުގެ ތެރެއިން އެއް ރުކުނެވެ. ނަމަވެސް އެކަމަށް ކެރިކުޅަދާނަ، މާލީ ގޮތުން ތަނަވަސްކަން ލިބިފައިވާ މީހާއަށެވެ.

ފެންނަން އޮތް ރައްޖޭގެ ތަރީޚަށް ބަލާއިރު ޙައްޖުވުމަށް ސަޢޫދީ ޢަރަބިޔާގެ މައްކާއަށް ދިވެހިން ގޮސް ނުއުޅޭ ޒަމާނެއް ތަރީޚުން ފެންނާކަށް ނެތެވެ.

ރާއްޖޭގެ ރައްޔިތުންގެ ތެރެއިން އިސްލާމް ދީން އެންމެ ފުރަތަމަ އިސްލާމް ދީން ޤަބޫލުކުރެއްވެވިކަން ތާރީޚުން އެނގެން އޮތް ރާއްޖޭގެ ފުރަތަމަ ރައްޔިތަކީ ނުވަތަ ދިވެއްސަކީ އެއިރު ވެރިކަމުގައި ހުންނެވި ރަސްގެފާނެވެ. ދަރުމަވަންތަ ރަސްގެފާނު ނުވަތަ މުޙައްމަދު ބުނި ޢަބްދުﷲ އެވެ.

ތަރީޚުން އެނގޭ ގޮތުގައި މުޙައްމަދު ބުނި ޢަބްދުﷲ ރާއްޖެއިން ހައްޖަށް ވަޑައިގަތެވެ. ބަނދަރުގައި އޮތް ނަވެއްގެ މީހުންނާއި ވާހަކަފުޅުދައްކަވައި އެމީހުން އެމަނިކުފާނު ޙަްއޖަށް ގެންގޮސްދިނުމަށް އެއްބަސްވުމުންނެވެ. އެމަނިކުފާނު އެނބުރި ރާއްޖެވަޑައިނުގަންނަވާކަން ތާރީޚުން އެނގެއެވެ.

ދިވެހިން ހައްޖަސް ގޮސް އުޅުނީ މިފަދަ ދަތި ހާލުގައެވެ. އަވަށްޓެރި އިންޑިއާ ނުވަތަ ސްރީ ލަންކާއަށް ގޮސް އެޤައުމުތަކުގެ އޮޑިފަހަރުގައި އެތައް މަސްދުވަހެއް ކަނޑުމަތީގައި ހޭދަކޮށްގެން ވެސް ޙައްޖުގެ މަތިވެރި އަޅުކަން ދިވެހިން އަދާކުރިކަން ތާރީޚުން އެނގެއެވެ.
ރާއްޖޭގައި އެއަރޕޯރޓެއް އެޅި ވައިގެ ދަތުރުތައް ފެށެންދެން ދިވެހިން ހައްޖަށް ގޮސް އުޅުނީ މިފަދަ ހާލެއްގައިކަން ފާހަގަކުރެވެއެވެ.

ގްރޫޕެއް ހަދައިގެން އެންމެ ފުރަތަމަ ހައްޖަށް މީހުން ގެންދަން ފެށްޓެވީ ދިއްދޫ އިބްރާހީމް ކަލޭފާނެވެ. ދެން އަތަމާ ޢަބްދުއްލަޠީފް އެވެ. މިއަދު މިފެންނަނީ އެތައް ޖަމާއަތަކުން މިޚިދުމަތް ނުހަނު ފަސޭހައިން ނުހަނު ރަނގަޅު ފެންވަރުގައި ދެމުން އަންނަ ތަނެވެ. ވާދަވެރި ވިޔަފާރިއަކަށް މިއަދު މިކަން މިވަނީ ބަދަލުވެފައެވެ.

ކިޔުން ތެރިންގެ ހިޔާލު

 އަކުރު އެބައިން