ރާބިޠާގެ 50 ވަނަ އަހަރީ ޖަލްސާގައި ބައިވެރިވެ ވަޑައިގަތުމަށް ރައީސް މައުމޫން މައްކާއަށް ފުރާވަޑައިގެންފި

30 ޖުލައި، 2010

ޝަހީދާ ސައީދު

ކުރީގެ ރައީސުލްޖުމްހޫރިއްޔާ އަލްއުސްތާޛް މައުމޫން އަބްދުލްޤައްޔޫމް ރާބިޠަތުލް ޢާލަމުލް އިސްލާމިއްޔާގެ  ފަންސާސް ވަނަ އަހަރީ ޖަލްސާގައި ބައިވެރިވެ ވަޑައިގަތުމަށް އިއްޔެ ހެނދުނު މައްކާއަށް ފުރާވަޑައިގެންފިއެވެ.

ރާބިޠާގެ 50 ވަނައަހަރީ ޖަލްސާ އޮންނާނީ މިމަހު 31 އިން، އަންނަމަހު 2 އަށެވެ.

ރައީސް މައުމޫން އިއްޔެ މައްޔާއަށް ފުރާވަޑައިގަންނަވަމުން ނޫސްވެރިންނާއި ބައްދަލުކުރައްވާ ވިދާޅުވީ އެމަނިކުފާނުގެ މިދަތުރުފުޅުގައި މައުމޫން ފައުންޑޭޝަނަށް ބޭރުގެ ފަރާތްތަކުގެ އެހީ ހޯދުމަށް މަސައްކަތްކުރައްވާނެކަމަށެވެ.

މައުމޫން ފައުންޑޭޝަން އިފްފިތާހްކުރުމުގެ ރަސްމިއްޔާތުގައި ވާހަކަފުޅުދައްކަވަމުން އެމަނިކުފާނު ވިދާޅުވީ މައުމޫން ފައުންޑޭޝަނުން އެންމެ ބޮޑަށް އިސްކަންދޭނެ ކަންތައްތަކަކީ ދިވެހި ރައްޔިތުންގެ ހިތްތަކުގައި އިސްލާމްދީނަށް އޮތް ލޯބިއިތުރުކުރުމާއި، ތައުލީމް ހާސިލްކޮށްދިނުމުގެ މަގުތައް ތަނަވަސްކޮށްދިނުމާއި، ސިއްހީފަރުވާ ލިބިގަތުމުގެ ފުރުސަތުތައް އިތުރުކުރުމާއި، އިޖްތިމާއީ ދުޅަހެޔޮކަމަށް މަސައްކަތްކުރުންކަމަށެވެ. އަދި ދެޖިންސްގެ ހަމަހަމަކަމަށް މަސައްކަތްކުރުމާއި، ކުދި ގައުމުތަކުގެ ރައްކާތެރިކަން ކުރިއެރުވުމާއި، ތިމާވެށި ރައްކާތެރިކުރުވުން ކަމަށެވެ.

ކިޔުން ތެރިންގެ ހިޔާލު

  1. 30 އަހަރު ދުވަހުން ނުކުރެވުނު ކަންތައްތަކެއް ކުރުމަށް އަނެއްކާވެސް އެހީ ހޯދައިގެން ކީއްކުރަންބާ މިއުޅެނީ. އެކަންކަމަށް 30 އަހަރު ދުވަހުގެ ތެރޭގައި އެކި ޤައުމުތަކުން ހިލޭ އެހީގެ ގޮތުގައި ދިން ފައިސާއަށް ވީ ކިހިނެއްބާ ؟ މާފަންނުގައި ހަދާފައިވާ އަޑުގެ ސްޓޫޑިއޯއަކީ ކިތައް ޤައުމުން ކިތައް ފަހަރު ފައިސާ ހޯދައިގެން ހަދާފައިވާ ތަނެއްބާ ؟ އެއްފަހަރު ލިބުނު ފައިސާއިން ފާރުބުރިއެއް ރާނާފަ ، އަނެއްފަހަރު ލިބުނު ފައިސާއިން އެފާރުގައި އުވަ ޖަހާފަ ، ކިތައް ފަހަރު ކިތައް ޤައުމުން އެއްކުރި ކިހާ ފައިސާއަކުން ، ކިތައް އަހަރުން ނިމިފަ ހުރި ތަނެއްބާ އެއީ ؟ އެ ސްޓޫޑިއޯއަކީ ، ރިކޯޑް ތަނެއް. ލިބުނު ފައިސާގެ ޢަދަދެއް ނޭނގޭ. ޚަރަދުވި ފައިސާގެ މިންވަރެއްވެސް ނޭނގޭ. ނިންމަން ނެގި މުއްދަތެއްވެސް ނޭނގޭ. މިއީ އެތައް ސަތޭކަ މިސާލުން ހަމަ އެންމެ މިސާލެއް. މިހުރިހާ ސުއާލެއްގެ ޖަވާބު އެނގޭނީ ހަމަ އެންމެ މީހަކަށް . އެއީ ސަމަރޭ.

    ދަސްތޫރު | ޖުލައި 30، 2010

  2. 30 އަހަރު ނުވި ކަމެއް ދެން ކީއްކުރަން ކުރަނީ! މީހުންގެ ކިބައިން އިސްލާމްދީނުގެ ވަހުދަތު ކަނޑުވާލި މީހަކީ ހަމަ މައުމޫނު! ދެން މިރާއްޖޭގަ އިސްލާމް ދީނޭ ކިޔާފަ ހުޅުވޭނީ ކޮން އަނގައެއް!

    ގޮނޑިކޮއްކޮ | ޖުލައި 31، 2010

 އަކުރު އެބައިން