ކޮޓަރީ ތަޅު ހަލާކުކޮށްލައިގެން ވަދެ 30 އަހަރުގެ ފިރިހެނަކު 8 އަހަރުގެ ކުއްޖަކާ ބެހިއްޖެ

30 ޖޫން، 2009

އއ. ތޮއްޑޫގައި ދިރިއުޅެމުންދާ އުމުރުން 30 އަހަރުގެ ފިރިހެނަކު އެރަށު އުމުރުން 8 އަހަރުގެ އަންހެން ކުއްޖަކާއެކު ބަދުއަޚްލާގީ އަމަލު ހިންގިކަމުގެ މައުލޫމާތު ފުލުހުންނަށް ލިބުމާ ގުޅިގެން އެފިރިހެން މީހާ ފުލުހުންގެ ބެލުމުގެ ދަށަށް ގެންގޮސްފިއެވެ.

މައުލޫމާތު ލިބިފައިވާ ގޮތުގައި މިފިރިހެން މީހާ އެކުއްޖާއާ ބެހިފައި ވަނީ އެކުއްޖާ ނިދަން އޮތް ކޮޓަރީގެ ދޮރުގައިވާ ތަޅު ހަލާކުކޮށްލައިގެންނެވެ. އޭނާ އެކޮޓަރިއަށް ވަތްއިރު އެކޮޓަރީގައި އެކުއްޖާގެ މަންމަވެސް ނިދަން އޮތް ކަމަށްވެއެވެ. އަދި އެކުއްޖާއާއެކު މިއަމަލު ހިންގަމުން ދަނިކޮށް އެކުއްޖާއަށް ހޭލެވުމާއެކު އެފިރިހެން މީހާ ފިލަން މަސައްކަތް ކުރިވަގުތު އެކުއްޖާގެ މަންމައަށް ހޭލެވިގެން ބެލިއިރު އެމީހާ ފިލާފައި ދަނިކޮށް ފެނިފައިވާ ކަމަށް ތަހުގީގުގައި އަންހެން މީހާ ވަނީ ފުލުހުންނަށް ކިޔައިދީފައެވެ. މިއަމަލު ފިރިހެން މީހާ ހިންގާފައި ވަނީ މިދިޔަ ހޮނިހިރު ދުވަހުގެ ރޭ ގާތްގަނޑަކަށް 12:30 ހާއިރުގައެވެ.

މިމައްސަލައިގައި މިއަމަލު ހިންގިކަމަށް ބުނާ ފިރިހެން މީހާ މިހާރު ވަނީ އެއަތޮޅު ރަސްދޫގައި ހުންނަ ޕޮލިސް ސްޓޭޝަނުގެ ބެލުމުގެ ދަށަށް ގެންގޮސްފައެވެ.

ކިޔުން ތެރިންގެ ހިޔާލު

 އަކުރު އެބައިން