ފުވައްމުލަކުގައި 48 އަހަރުގެ ފިރިހެނަކު އެއް އާއިލާއެއްގެ ކުދިންތަކަކަށް ޖިންސީ ގޯނާކުރި މަސައްލައެއް ހުށަހަޅައިފި

14 މާޗް، 2008

ފާތިމަތު މަމްދޫހާ

48 އަހަރުގެ ފިރިހެނަކު އެއް އާއިލާއެއްގެ ކުދިންތަކަކަށް ޖިންސީ ގޯނާކުރިކަމަށް ބުނާ މައްސަލައެއް ފުވައްމުލަކު ޕޮލިސް ސްޓޭޝަނަށް ހުށަހަޅައިފިއެވެ.

ފުވައްމުލަކު ޕޮލިސް ސްޓޭޝަންގެ އިންޗާރޖް ސްޓާފް ސަރޖެންޓް ހަސަން ޝިފާއު މައުލޫMާތު ދެއްވިގޮތުގައި މީގެ ދެތިން ދުވަސްކުރިން އެފަރާތަށް ހުށަހެޅިފައިވާ މިމައްސަލައާއި ގުޅިގެން 48 އަހަރުގެ ފިރިހެނަކު ހައްޔަރުކޮށްފައިވާ ކަމަށާއި އޭނާ މިހާރު ހުރީ ފުވައްމުލަކު ޕޮލިސް ސްޓޭޝަންގެ ބެލުމުގެ ދަށުގައި ކަމަށް ޝިފާޢު ވިދާޅުވިއެވެ. އަދި މިމައްސަލަ މިވަގުތު ތަހްޤީޤް ކުރަމުންދާތީ އިތުރު މައުލޫMާތު ދެވެން ނެތް ކަމަށް އޭނާ ވިދާޅުވެފައި ވެއެވެ.

“މީގެ ދެތިން ދުވަސްކުރިން މިމައްސަލަ ހުށަހެޅިފައިވަނީ. މިހާރު ފިރިހެންމީހާވަނީ ސްޓޭޝަންގައި ހައްޔަރުކޮށްފައި. މިހާރު މިމައްސަލަ ތަހްޤީޤް ކުރަމުންދާތީ އެއްވެސް މައުލޫMާތެއް ދެވެންނެތް.” ސްޓޭޝަން އިންޗާރޖް ހަސަން ޝިފާއު ވިދާޅުވިއެވެ.

ނަންހާމަނުކުރުމަށް އެދި ފުވައްމުލަކު ރައްޔިތަކު މައުލޫMާތު ދެއްވިގޮތުގައި 48 އަހަރުގެ މިމީހާ ޖިންސީ ގޯނާ ކޮށްފައިވާ ކުދިންގެ ތެރޭގައި އޭނާގެ އުފަންދަރިއެއްވެސް ހިމެނޭ ކަމަށެވެ.

ފުވައްމުލަކު ޕޮލިސް ސްޓޭޝަނުން މައުލޫMާތު ދެއްވިގޮތުގައި މިފަދަ ބަދުއަޚުލާގީ ތިން މައްސަލައެއް ފުވައްމުލަކު ޕޮލިސް ސްޓޭޝަނަށްވަނީ ހުށަހެޅިފައެވެ. އޭގެ ތެރޭގައި 66 އަހަރުގެ މުދިމަކު 10 އަހަރުގެ ކުއްޖަކަށް ޖިންސީ ގޯނާކުރިކަމަށް ތުހުމަތުކުރެވުނު މައްސަލައަކާއި ގުޅިގެން މިހާރު މުދިން މީހާވަނީ މާލޭން ހައްޔަރުކޮށް ތަހްޤީޤް ފަށައިފައިކަމަށްވެސް އެފަރާތުން މައުލޫMާތު ދެއްވިއެވެ. މިމައްސަލައިގެ އިތުރުން 10 އަހަރުގެ އަންހެން ކުއްޖަކަށް 69 އަހަރުގެ ފިރިހެނަކު ޖިންސީ ގޯނާ ކުރިކަމަށް ބުނާ މައްސަލައެއްގައި މިދިޔަ މަހު ހައްޔަރުކުރި ފިރިހެންމީހާގެ ތަހްޤީޤްގައި ފުރިހަމަކުރަންޖެހޭ ކަންތައްތައް ފުރިހަމަކުރުމަށްފަހު މިހާރުވަނީ ހައްޔަރުން ދޫކޮށްލާފައި ކަމަށް ފުވައްމުލަކު ޕޮލިސް ސްޓޭޝަންގެ އިންޗާރޖް ސާރޖެންޓް ހަސަން ޝިފާއު މައުލޫMާތު ދެއްވިއެވެ.

ކިޔުން ތެރިންގެ ހިޔާލު

 އަކުރު އެބައިން